Demokracia në Veprim | Zgjedhjet 2007

Komunikatë për Media

8 dhjetor 2007

ora 10:00

Deklaratë për media për hapjen e qendrave të votimit

Koalicioni i organizatave joqeveritare “Demokracia në veprim- zgjedhjet 2007”, është duke vëzhguar raundin e dytë të zgjedhjeve për kryetarë të komunave në të gjitha 23 komunat ku është duke u zhvilluar raundi i dytë.

Momentalisht koalicioni i ka të mbuluara 1960 vendvotime në këto komuna, ku vëzhguesit janë të pranishëm që nga hapja e qendrave të votimit e deri në mbylljen e tyre. 28 vend votime (10 në komunën e Podujevës, 17 në komunën e Prizrenit dhe një në komunën e Prishtinës), nuk janë të mbuluara me vëzhgues të përhershëm të Koalicionit, por të njëjtat janë duke u mbuluar nga ekipet mobile.

Vendvotimet ku banon komuniteti serb do të vëzhgohet nga ekipet mobile të përbëra nga përfaqësuesit e koalicionit nga OJQ-të serbe.

Përgjithësisht gjatë orëve të para të mëngjesit në të gjitha komunat vërehet numër shumë të vogël të votuesve.

Hapja e qendrave të votimeve

Prishtinë

Në regjionin e Prishtinës të gjitha qendrat e votimit janë hapur me kohë dhe votimi ka filluar. Nuk është raportuar ndonjë vonesë apo incident. Vëzhguesit tanë që tashmë gjenden në terren kanë vërejtur këto parregullsi: vëzhguesit e PDK-së në Prishtinë kanë distniktivë me ngjyrë tjetër, dalluese kjo nga të tjerët gjë që mund të konsiderohet si identifikim me një subjekt të caktuar politik. Në Podujevë në një qendër votimi të vendosur në një shkollë të fshatin Gllamnik, është vërejtur material propagandues (i LDK-së). Ku i njejti material njëjti është larguar nga menaxhmenti i kësaj qendre të votimit.

Pejë

Regjioni i Pejës poashtu ka raportuar se të gjitha qendrat e votimit dhe vendvotimet janë hapur në ora 7, përveq një vendvotimi në fshatin Poqest ku është vonuar për mëse gjysëm ore, si pasojë e mungesës së vulës. Atmosfera vlerësohet të jetë e qetë dhe votimi është duke rrjedhur pa pengesa.

Mitrovica

Qendrat e votimit në regjionin e Mitrovicës janë hapur në kohë dhe votimi ka filluar. Nga vëzhguesit tanë nuk është raportuar për ndonjë incident apo parregullsi. Përjashtim bën veriu i Mitrovicës ku nuk janë hapur qendrat e votimit dhe si rezultat votimi nuk zhvillohet.

Ferizaj

Regjioni i Ferizajt raportohet të ketë hapur të gjitha qendrat e votimit. Votimi ka filluar dhe nuk raportohen të ketë incidente dhe parregullsi deri në këtë stad.

Gjakovë

Në rajonin e Gjakovës, vëzhguesit e “Demokracia në Veprim” kanë raportuar se të gjitha qendrat e votimit janë hapur dhe votimi ka filluar. Gjendja është e qetë dhe nuk është vërejtur ndonjë parregullsi.

Gjilani

Nga regjioni i Gjilanit gjithashtu raportohet se të gjitha qendrat e votimit janë hapur. Votimi ka filluar dhe nuk raportohen të ketë incidente dhe parregullsi deri më tani.

Prizren

Qendrat e votimit në regjionin e Prizrenit janë hapur në kohë dhe votimi ka filluar. Nga vëzhguesit tanë nuk është raportuar për ndonjë incident apo parregullsi.