Demokracia në Veprim | Zgjedhjet 2007

Komunikatë për Media

8 dhjetor 2007

ora 15:00

KOMUNIKATË PËR MEDIA Nr. 2 PËR RRJEDHËN E VOTIMIT NË RAUNDIN E DYTË TË ZGJEDHJEVE PËR KRYETARË TË KOMUNAVE

Prishtinë

Në shkollën teknike ‘28 Nëntori’ (1919e) në Prishtinë ka pasur tentim të një personi të votuar dy herë, por e nëjta është parandaluar dhe më pas votimi ka rrjedhur pa vështirësi.

Në ora 11:00 në qendrën e votimit në Fakultetin Filologjik, (1906 vendovitmi nr. 15) nuk kishte asnjë person zyrtar afër kutisë së votimit, ndonëse rregullat obligojnë që gjatë gjithë kohës një person zyrtar të qëndrojë pranë .

Në qendrën e votimit ‘Selman Riza’ (0901E) në Fushë Kosovë përfaqësues partiakë të PDK-së dhe AKR janë parë gjatë gjithë kohës duke shetitur brenda qendrës së votimit. Për më tepër, në njërën nga vendvotimet brenda kësaj qendre, vëzhguesi i PDK-së u ka dhënë fletëvotime votuesve dhe i ka inkurajuar ata që të votojnë për PDK-në. I njëjti në disa raste edhe u ka ndihmuar votuesve gjatë plotësimit të fletëvotimit.

Nga një numër i qendrave të votimit të Fushë Kosovë raportohet për përdorim të madh të votava me kusht.

Pejë

Në Zllakuqan të Klinës në vendvotimin nr. 7 brenda qendrës së votimit nr. 0804c, një person ka votuar për shtatë të tjerë. Nga i njëjti vend raportohet për kontrollim të dobtë të dokumenteve të identifikimit si dhe për votues të cilëve fare nuk u është kontrolluar ngjyra në gishtërinjë.

Vendvotimi në Gorazhdec shkurtimisht pas hapjes në mëngjes është mbyllur serish.

Gjakovë

Në Carrallukë të Malishevës (qendra e votimit 3036a, vendvotimi numër 1) ka pasur përleshje fizike ndërmjet votuesve, simpatizues të PDK-së nga njëra anë me anëtarët e këshillimit të vendvotimit nga po e njejta parti në anën tjetër. Për pasojë përkohësisht është mbyllur vendvotimi në ora11:20. Vendovimi në fjalë është rihapur në ora 12:20, pas rivendosjes së rendit nga ana e pjesëtarëve të SHPK-së.

Mitrovica

Kryetari i degës së PDK-së ne Mitrovicë, Ahmet Tmava ka vizituar qendrën e votimit në shkollën ‘Ismail Qemaili’ (1104b) dhe atë në shkollën ‘Fazli Greiqevci’ (1103b), duke i përshëndetur anëtarët e këshillave të vendvotimeve në mënyrë që mund të konsiderohet si bërje e propagandës për partinë e tij.

Në një vendvotimin në Koshtovë të Mitrovicës (1122b/01), një polic i ShPK-së ka votuar dhe pas përfundimit të votimit ka vazhduar të qëndroj për një kohë të gjatë në vendvotim, në kundërshtim me rregullat që forcat e sigurisë vijnë dhe qendrojnë në vendvotim vetëm në rast të nevojës për të vendosur rendin.

Janë raportuar edhe raste të personave që ndonëse i takojnë të njëjtës familje është dashur të votojnë në vendvotime të ndryshme, si në Prishtinë e Klinë. Gjithashtu, në disa vendvotime në rajone të ndryshme (si në Ferizaj, Gjilan, Mitrovicë) janë konstatuar probleme me cilësinë e ngjyrës së përdorur për spërkatjen e gishtit të votuesit. Ngjyra e përdorur në disa raste ka qenë shumë lehtë të evitohet duke pastuar duart me ujë dhe pas kësaj ajo nuk është detektuar fare me rrezet ultravjollcë.